OAV: AQSh Eronning yadroviy qudratini yoʻq qila olmadi
AQSh razvedkasining yadroviy obʼektlariga hujumlar taʼsirini dastlabki baholashi shuni koʻrsatdi.
Eronning yadroviy qudrati toʻliq yoʻq qilinmagan. Bu haqda CNN xabar berdi.
AQSh razvedkasining Eron yadroviy obʼektlariga hujumlar taʼsirini dastlabki baholashi shuni koʻrsatdi.
Erondagi asosiy nishonlar toʻliq yoʻq qilinmagan va dastur bir necha oy orqaga surilishi mumkin, deya xabar beradi CNN toʻrtta xabardor manbaga tayanib.
Dastlabki xulosalar AQSh prezidenti Donald Trampning zarbalar Eronning uran boyitish zavodlarini butunlay vayron qilgani haqidagi takroriy bayonotlariga zid keladi, deb taʼkidlaydi telekanal.
Baho AQSh Mudofaa Razvedka Agentligi (DIA) tomonidan oʻtkazilgan tahlilga asoslangan, deb xabar berdi CNN manbalaridan biri.
Ikki manba Eronning boyitilgan uran zahirasi yoʻq qilinmaganini aytdi.
"Taxminlarga koʻra, AQSh ularni koʻpi bilan bir necha oyga orqaga surdi", - dedi manba.
Oq uy bu bahoga qoʻshilmasligini aytdi, biroq uning mavjudligini tan oldi.
22 iyunga oʻtar kechasi AQSh harbiy-havo kuchlari uchta yadroviy obʼektga: uranni boyitish boʻyicha Fordo zavodiga, shuningdek, Natanz va Isfaxondagi obʼektlarga hujum qildi. Hujumda bunker buster bombalaridan foydalanilgan.
Eron tomoni jiddiy zarar yoʻqligini aytdi. Donald Trampning aytishicha esa AQSh Eronning barcha yadroviy inshootlarini yoʻq qilgan.