BMT Xavfsizlik kengashi Eron boʻyicha favqulodda yigʻilish oʻtkazdi
Buyuk Britaniyaning BMTdagi elchisi Barbara Vudvord mamlakat Eronga qarshi hujumlarda qatnashmaganini aytdi.
BMT Xavfsizlik Kengashi AQShning Eronga bergan zarbalari yuzasidan favqulodda yigʻilish oʻtkazdi.
Buyuk Britaniyaning BMTdagi elchisi Barbara Vudvordning aytishicha, mamlakatning "hozirgi paytdagi eng muhim ustuvorligi deeskalatsiyani qoʻllab-quvvatlash boʻlishi kerak".
“Biz Eron yadro quroliga ega boʻlmasligi kerakligini va uning yadroviy dasturi xalqaro tinchlik va xavfsizlikka jiddiy tahdid solayotganini uzoq vaqtdan beri aniq bildik”, - dedi u.
“Buyuk Britaniya AQSh yoki Isroilning zarbalarida ishtirok etmagan”, dedi u.
Vudvordning qoʻshimcha qilishicha, harbiy harakatlarning oʻzi Eron yadroviy dasturiga uzoq muddatli yechim keltira olmaydi va barcha tomonlarni muzokara stoliga qaytishga va diplomatik yechim topishga chaqirdi.
Atom energiyasi boʻyicha xalqaro agentlik (MAGATE) rahbari Rafael Grossi ham kengashda soʻzga chiqib, barcha tomonlarni diplomatiyaga qaytishga chaqirdi.
“Muloqot va diplomatiyaga qaytish uchun imkoniyatlar oynasi mavjud”, - dedi u.
Grossi, "agar bu oyna yopilsa, zoʻravonlik va vayronagarchilik tasavvur qilib boʻlmaydigan darajaga yetishi va global yadroviy qurollarni tarqatmaslik rejimi qulashi" haqida ogohlantirdi.
AQSh prezidenti Tramp Erondagi yadroviy inshootlarga katta zarar yetganini aytdi.
"Zarblar kuchli va aniq boʻldi. Harbiylarimiz katta mahorat koʻrsatdi. Rahmat!" deya yozgan oʻzining Truth Social ijtimoiy tarmogʻida.
Unga koʻra, Eronga zarbalar bergan B-2 bombardimonchi samolyotlari Missuri shtatidagi oʻz bazasiga qaytgan.
Eslatib oʻtamiz, 22 iyun kuni AQSh kuchlari Eron obʼektlariga hujum qildi.