Bekzot Mavlonov Prezident yordamchisi etib tayinlandi
Aziz Magrupov esa davlat rahbarining tashqi investitsiyalar masalalari boʻyicha maslahatchisi lavozimiga tayinlandi.
Prezidentning tegishli farmonlari bilan qator tayinlovlar amalga oshirildi.
Oʻzbekiston Respublikasi Prezidentining tegishli farmonlari bilan:
– Bekzot Mardonovich Mavlonov Oʻzbekiston Respublikasi Prezidentining yordamchisi lavozimiga tayinlandi va shu munosabat bilan Oʻzbekiston Respublikasi Prezidentining huquqiy ekspertiza va kompleks tahlil qilish masalalari boʻyicha maslahatchisi lavozimidan ozod etildi;
– Aziz Yuldashevich Magrupov Oʻzbekiston Respublikasi Prezidentining tashqi investitsiyalar masalalari boʻyicha maslahatchisi lavozimiga tayinlandi va shu munosabat bilan Oʻzbekiston Respublikasi Prezidentining yordamchisi lavozimidan ozod etildi.
Avvalroq Prezident administratsiyasi rahbari lavozimi qayta tiklangani xabar berilgandi. Ushbu lavozimni prezident yordamchisi lavozimida ishlab kelgan Saida Mirziyoyeva egalladi.