Samarqandda chiqindilarni qabul qilish narxi oshdi
Endilikda qattiq maishiy chiqindilarni poligonda qabul qilish narxi 1 tonna uchun 44 672 soʻmni tashkil etadi.
Samarqand viloyatida qattiq maishiy chiqindilarni chiqindi poligonida qabul qilish va saqlash narxlari oʻzgarmoqda.
Bu haqda Xalq deputatlari Samarqand viloyati kengashi qarori eʼlon qilindi. Qaror 2025 yil 20 iyun kuni eʼlon qilindi.
Qaror ilovasiga koʻra, 1 metr kvadrat uchun chiqindilarni qabul qilish tarifi QQSsiz 16 433 soʻmni tashkil qiladi (QQS bilan 18 405 soʻm). 1 tonna uchun 39 886 soʻm (QQSsiz), QQS bilan 44 672 soʻmni tashkil etadi.
Qaror eʼlon qilingan kundan kuchga kirishi belgilangan.
Avvalroq Samarqand va Navoiy viloyatlarida chiqindi olib ketish tariflari oshgandi.