Pokiston Tramp nomzodini Nobel mukofotiga ilgari surdi
Bunga uning Hindiston-Pokiston mojarosiga “qatʼiy diplomatik tashabbuslari” sabab qilib koʻrsatilgan.
Pokiston hukumati AQSh prezidenti Donald Trampning Hindiston-Pokiston mojarosiga “qatʼiy diplomatik aralashuvi uchun” tinchlik boʻyicha Nobel mukofotiga nomzodini ilgari surdi.
Trampning oʻzi bu mukofotni qachon olishi dargumon ekanligini aytdi.
"Mintaqaviy notinchlik kuchayib borayotgan bir paytda prezident Tramp Islomobod va Nyu-Dehli bilan faol diplomatik aloqalari orqali katta strategik uzoqni koʻra bilish va ajoyib davlat arbobi ekanini namoyish etdi, bu esa tez yomonlashib borayotgan vaziyatni yumshashiga olib keldi", deyiladi Pokiston hukumati X ijtimoiy tarmogʻidagi bayonotda.
Donald Trampning xatti-harakatlari “uning haqiqiy tinchlikparvar sifatidagi rolidan dalolat beradi”, deya taʼkidlagan.
Pokiston hukumati, shuningdek, AQSh prezidentining Kashmir mintaqasidagi mojaroni hal qilishdagi “yetakchiligi”ni qayd etdi.
Lekin 18 iyun kuni Hindiston bosh vaziri Narendra Modi Donald Trampning Nyu-Dehli va Islomobod Vashington vositachiligida mojaroga barham bergani haqidagi soʻzlarini rad etdi. Bu haqda Reuters yozgandi.
Modi Hindiston va Pokiston harbiylari oʻrtasidagi muzokaralardan soʻng tomonlar oʻt ochishni toʻxtatishga kelishib olganini aytdi. Donald Trampning oʻzi jurnalistlarga Tinchlik boʻyicha Nobel mukofotini hech qachon yuta olmasligini aytdi, chunki “bu faqat liberallarga beriladi”.
Keyinchalik u "Truth Social" ijtimoiy tarmogʻida Hindiston va Pokiston oʻrtasidagi urushni toʻxtatgani yoki boshqa har qanday mojaroni hal qilgani uchun Nobel mukofotini qoʻlga kiritmasligini yozdi.
Eslatib oʻtamiz, 2025 yil may oyida Kashmirda sayyohlar oʻldirilgach, Hindiston va Pokiston munosabatlari keskinlashdi.