Shavkat Mirziyoyev Ozarbayjonga borishi kutilmoqda
Tashrifning aniq sanasi hozircha maʼlum emas.
Oʻzbekiston prezidenti Shavkat Mirziyoyev Ozarbayjonga boradi.
Bu haqda Oʻzbekiston Respublikasi investitsiyalar, sanoat va savdo vaziri, Hukumatlararo komissiya hamraisi Laziz Qudratovning 20 iyun kuni Ozarbayjon prezidenti Ilhom Aliyev bilan uchrashuvida maʼlum qilingan.
Vazir Oʻzbekiston Prezidenti hukumatga Ozarbayjonga ushbu tashrifni aniq va amaliy mazmun bilan boyitish boʻyicha topshiriq berganini taʼkidladi, deyiladi xabarda.
Tashrifning aniq sanasi hozircha maʼlum emas.
Eslatib oʻtamiz, avvalroq Shavkat Mirziyoyev Belarusga borishi maʼlum boʻlgandi. 26-27 iyun kunlari Minskda YeOII forumi boʻlib oʻtadi.