Boysunda 3 gektar joy yonib ketdi
Yongʻin nimadan chiqqani aytilmagan, olov taxminan 14 soatlarda oʻchirilgan.
17 iyun kuni Surxondaryo viloyati Boysun tumani Kengdala oʻrmon xoʻjaligi boʻlimiga qarashli archazorlarga tutash 3 gektar hududda yongʻin chiqqan.
Viloyat FVBga bu haqda soat 17:45 da xabar berilgan. Maydondagi yongʻin 18 iyun kuni soat 07:10 da oʻchirilgan.
Yongʻinni oʻchirishga 85 nafar shaxsiy tarkib, 4 ta texnika, Oʻrmon xoʻjaligi boʻlimidan 40 nafar xodim, 4 ta texnika, IIBdan 6 nafar xodim, Mudofaa vazirligidan 20 nafar harbiy xizmatchi va bitta harbiy vertolyot, mahalliy aholidan 40 nafar koʻngilli jalb etilgan.
Shuningdek, yongʻinni oʻchirish jarayonida Chegara qoʻshinlarining uchuvchisiz uchish vositalaridan ham foydalanilgan.
Yongʻin nimadan chiqqani, zarar miqdori, qancha daraxtlar yongani haqida hozircha maʼlumot yoʻq.