Xalq qabulxonalarining barcha xodimlari bugundan boshlab ishdan boʻshatiladi
Endilikda Xalq qabulxonalariga viloyat va tuman hokimining oʻzi rahbarlik qilishi belgilandi.
Tizimdagi kamchiliklar hisobga olinib, Xalq qabulxonalarining barcha xodimlari bugundan boshlab ishdan boʻshatilishi va masalani hal qila oladigan fidoyi kadrlar bilan toʻldirilishi qayd etildi.
Endilikda Xalq qabulxonalariga viloyat va tuman hokimining oʻzi rahbarlik qilishi belgilandi. Hokimlar har kuni ishini shu yerda aholi dardi va tashvishini eshitishdan boshlaydi.
“Hokimlar bir narsani tushunib olsin, bugun tugʻilgan muammoni keyingi kunga oʻtkazishga yoʻl qoʻyilmaydi. Murojaatni boshqa idoraga yubormasdan shu yerning oʻzida hal qiladi”, - dedi Prezident.
Buning uchun tuman hokimining vakolatlari kengaytiriladi. Masalalarni hal qilish uchun qoʻshimcha resurs ham beriladi.
