"Toʻqilmagan hikoya": qiyinchilikda oʻsgan farzandning muvaffaqiyati
Film bosh qahramoni Maftuna Ochilova “Yosh kitobxon” tanlovida gʻolib boʻlib “Prezident sovgʻasi"ni qoʻlga kiritadi.
Bugun “Iroda kuchi” loyihasi doirasida tayyorlangan “Toʻqilmagan hikoya” hujjatli filmi jurnalistlar va jamoatchilik faollari uchun premʼera qilindi.
Film bosh qahramoni Maftuna Ochilova “Yosh kitobxon” tanlovida gʻolib boʻlib “Prezident sovgʻasi - elektromobilni qoʻlga kiritgan.
Filmda voqealar oʻz nomi bilan aytilganidek toʻqilmagan. U qiyinchilikda oʻsgan oila farzandining mamlakatimizda yoshlar uchun yaratilgan imkoniyatdan foydalanib katta yutuqqa erishgani, oʻz taʼbiri bilan aytganda yorugʻ kunlarga chiqqani haqida hikoya qiladi.
Biz bu filmni ota-onalar oʻz farzandi bilan, yoshlar tengdoshlari bilan tomosha qilishini juda istardik. Maftuna hikoyasidan yangi ilhom, kuch olishingizga ishonamiz.
Hujjatli film tez kunlarda “Mening yurtim” hamda “Yoshlar” telekanalida efirga uzatiladi.
