“Poytaxtning SMMchi qizlari” loyihasi ikkinchi bosqichi yakunlandi
Ayni paytda bitiruvchilarning 30 foizi qisqa muddatda SMM sohasida ishlashni boshlagan va ilk daromadga chiqqan.
“Toshkent yoshlarni sevadi” oyligi doirasida tashkil etilgan 24 modulli bepul SMM kurslarini muvaffaqiyatli tamomlagan yana 500 nafar qiz sertifikatga ega boʻldi.
Oʻtgan yili Toshkent shahar hokimligi “Toshkent yoshlarni sevadi” loyihasi doirasida poytaxt qizlarini zamonaviy kasblarga oʻqitib, bandligini taʼminlash va ularni daromadli qilish maqsadida 30 yoshgacha boʻlgan 1 000 nafar qizni SMM sohasiga mutlaqo bepul oʻqitish tashabbusini amalga oshirgandi. Birinchi mavsumda qizlarga sertifikatlar topshirilgan.
Loyihaning ikkinchi mavsumi ham yakuniga yetdi. Unda SMM kurslarini muvaffaqiyatli tamomlagan yana 500 nafar qizga sertifikatlari topshirildi. Alisher Navoiy nomidagi Milliy kutubxona old maydonida oʻtgan tadbirda Toshkent shahar hokimi oʻrinbosari Durdona Rahimova, SMM Maktab jamoasi va oʻqituvchilar ishtirok etishdi.
Tadbir davomida bitiruvchi qizlar oʻz loyihalari, dastlabki muvaffaqiyatlari va rejalari bilan oʻrtoqlashdi. Ayni paytda bitiruvchilarning 30 foizi qisqa muddatda SMM sohasida ishlashni boshlagan va ilk daromadga chiqqan.
Bu loyiha nafaqat kasb oʻrgatadi, balki oʻziga ishonch, mustaqillik va yangi hayot eshiklarini ham ochmoqda.
Mavzuga oid: SMM orqali qanchagacha daromad topish mumkin? – Platina Podcast