34 yillik orzu – mundial. 3-taym, 4-son
Bir gal hakamlar, bir safar futbolchilar, yana birida murabbiylar xatolari sabab JCh orzusi ortga surilaverdi. Biroq Oʻzbekiston ana shu xatolar bilan birga raqibni yanchishni oʻrgandi.
JCh-2026 Osiyo saralashi soʻnggi turida Oʻzbekiston Toshkentda Qatar termasini magʻlubiyatga uchratdi.
Terma jamoamiz eng yorqin oʻyinlaridan birini namoyish etdi. Turgʻunboyev, Shomurodov va Sergeyevning gollari esa bayram bezagiga aylandi.
JCh-2026, Osiyo saralashi
Oʻzbekiston - Qatar 3:0
Gollar: Turgʻunboyev 28, Shomurodov 86, Sergeyev 90+2
Bilasizlarmi, tarixiy voqealarning buyukligi biroz keyin bilinib qoladi. Tarix hamisha mushakbozlik va karnay-surnay sadolari ostida boshlanmaydi. Masalan, futbol muxlislarimiz uchun mundialga yoʻllanmaga eltgan oxirgi va asosiy nuqta – BAAdagi oʻyinga borish koʻngilni xira qiluvchi muammolar bilan boshlangandi.
Mezbon davlat huquqni himoya qilish idoralari futbolchilarimizni muxlislar qoʻllab-quvvatlovidan mahrum qilishmoqchi boʻlishdi, har holda, BAAga borgan oʻzbekistonliklarga oʻta keskin va qoʻpol munosabat kuzatildi.
Ammo bu harakatlar Oʻzbekistonni jahon chempionati yoʻlidagi shahdam qadamidan qaytara olmadi. Batafsil yuqoridagi videoda.