Ronaldu Yamalga qarshi: Portugaliya Millatlar ligasida gʻolib chiqdi
Jangovar durang bilan tugagan oʻyinda omad portugaliyaliklarga kulib boqdi.
Portugaliya termasi Millatlar ligasi turnirida gʻolib chiqdi.
Myunxen shahrida (Germaniya) "Allianz Arena" stadionida Millatlar ligasining final uchrashuvi boʻlib oʻtdi va unda Portugaliya va Ispaniya terma jamoalari toʻqnash keldi.
Asosiy vaqtda jamoalar gʻolibni aniqlay olishmadi – 2:2. Portugaliyaliklar safida Nuno Mendes (20-daqiqa) va Krishtianu Ronaldu (61-), Ispaniya terma jamoasi safida esa Martin Zubimendi (21) va Mikel Oyarzabal (45) gol urishdi.
Qoʻshimcha ikkita taymda ham gol urilmadi va oʻyindan keyingi penaltilar seriyasida portugaliyaliklar gʻalaba qozonishdi - 5:3.
Shu tariqa Portugaliya terma jamoasi ikkinchi marta Millatlar ligasida gʻolib chiqdi. Portugaliya 2019 yilda ham ushbu sovrinni yutgandi.