"Vagner" safida jang qilgan oʻzbekistonlik besh yilga qamaldi
Mamlakat qonunlariga koʻra, xorijiy harbiy tuzilmalarga yollanganlar 10 yilgacha qamalishi mumkin.
Oʻzbekiston fuqarosi yollanma askar boʻlib xorijda jang qilgani uchun besh yilga ozodlikdan mahrum etildi.
U Rossiyaning "Vagner" harbiy shirkatida xizmat qilgan, deb yozadi “TASS” ish materiallariga asoslanib.
Tergov maʼlumotlariga koʻra, 2021 yil iyul oyida erkak pul ishlash maqsadida Samara viloyatiga joʻnab ketgan. 2022 yil noyabr oyida u "Vagner" safiga qoʻshildi, Ukrainadagi jangovar harakatlarda qatnashdi.
2024 yil oktabr oyida u vataniga qaytib keldi va hibsga olingan. Uning telefonida jangovar harakatlarda qatnashganligini tasdiqlovchi maʼlumotlar topilgan.
Sud 25 yoshli yigitni Oʻzbekiston Jinoyat kodeksining 154-moddasi 1-qismi (yollanish) bilan aybdor deb topdi.
Ushbu moddaga koʻra, unga respublikada 10 yilgacha qamoq jazosi berilishi mumkin.
Yanvar oyida sud urushga qatnashgan boshqa bir fuqaroni toʻrt yilu ikki oyga ozodlikdan mahrum etishga hukm qilgan.
Shuningdek, u Rossiya-Ukraina mojarosida qatnashgani uchun yollanma moddasi boʻyicha ham aybdor deb topildi. Ayblanuvchi Rossiya Mudofaa vazirligi bilan shartnoma imzolagan.