Putin-Tramp suhbati: Rossiya Ukrainaga zarba berishga tayyorlanmoqda

AQSh prezidenti Donald Tramp va Rossiya rahbari Vladimir Putin oʻzaro telefon suhbati oʻtkazdi.

Trampning yozishicha, suhbat yaxshi oʻtgan, ammo u "tinchlikka yaqinlashtiradigan suhbat emas". Putin Ukraina tomonidan amalga oshirilgan yirik operatsiya sabab javob qaytarishi lozimligini taʼkidlab oʻtgan.

Putinning yordamchisi Yuriy Ushakovga koʻra, esa Vladimir Putin Trampga Istanbulda boʻlib oʻtgan Rossiya-Ukraina toʻgʻridan-toʻgʻri muzokaralarining ikkinchi raundi yakunlari haqida batafsil gapirib bergan. "Ukraina Kiyev rejimining bevosita buyrugʻi bilan tinch aholiga qarshi maqsadli hujumlar uyushtirib bu muzokaralarni buzishga uringan".

"Bu xalqaro huquq tomonidan aniq terrorizm sifatida tasniflanadi va bizning fikrimizcha, Kiyev rejimi mohiyatan terrorchi tashkilotga aylangan. Rossiya tomoni provokatsiyalarga berilmadi - ikkinchi raund, maʼlumki, Istanbulda boʻlib oʻtdi" deyiladi Rossiya tomoni xabarida.

"Prezidentimiz muzokaralarning mazmun-mohiyati, uning natijalari haqida batafsil toʻxtalib oʻtganini, umuman olganda, bu muzokaralar foydali boʻlganini alohida taʼkidlaganini yana bir bor taʼkidlamoqchiman. Oʻzaro almashilgan tegishli memorandumlar poytaxtlarda – Moskva va Kiyevda tahlil qilinadi va shundan soʻng, umid qilganimizdek, tomonlar muzokaralarni davom ettirishi mumkin.

Harbiy aerodromlarga berilgan zarbalarga kelsak, bu mavzuga ham toʻxtalib oʻtildi. Bundan tashqari, Donald Tramp amerikaliklar bu haqda oldindan xabardor qilinmaganini yana bir bor tasdiqladi.

Tabiiyki, yetakchilar Ukraina masalasi boʻyicha, jumladan, eng yuqori darajada, shuningdek, boshqa darajalarda va boshqa kanallar orqali aloqalarni davom ettirishga kelishib oldilar.

Eron yadroviy dasturi boʻyicha AQSh va Eron oʻrtasidagi muzokaralarda biroz toʻxtab qolgan vaziyatga alohida eʼtibor qaratilib, qator xalqaro masalalar muhokama qilindi.

Donald Tramp bu yerda Rossiyadan yordam kerak boʻlishi mumkin, deb hisoblaydi va Rossiya Eron tomoni bilan shunga yarasha ishlay olsa, minnatdor boʻlardi.

Shuningdek, Yaqin Sharq, shuningdek, Hindiston va Pokiston oʻrtasidagi Prezident Trampning shaxsan ishtirokida toʻxtatilgan qurolli mojaroga ham toʻxtalib oʻtildi", deya izoh bergan Ushakov.

Eslatib oʻtamiz, muzokaralar arafasida Ukraina Rossiya aerodromlariga zarba berdi. Natijada oʻnlab harbiy samolyotlar yoʻq qilindi.