Olmazor tumanida bir necha uy yonib ketdi
Xonadonlarning birida yoqilgʻi moylash mahsuloti saqlanganligi taxmin qilinmoqda.
Olmazor tumanida uylar yonib ketdi.
5 iyun soat 06:27 da Toshkent shahar, Olmazor tumani, Farobiy 4-tor koʻchasida shaxsiy xonadonlarning birida yongʻin sodir boʻlayotgani toʻgʻrisida Toshkent shahar FVBga xabar tushgan.
Aytilgan manzilda yongʻin sodir boʻlgan shaxsiy xonadonlarning birida yoqilgʻi moylash mahsuloti saqlanganligi taxmin qilinmoqda.
Vaziyat FVV tomonidan toʻliq nazoratga olingan.
Hodisa oqibatida tan jarohati olgan fuqarolar toʻgʻrisida xabar tushmadi.
Yongʻin sabab 4 ta xonadonga zarar yetgan.