Qirgʻiziston sobiq prezidentiga 11,5 yil qamoq jazosi belgilandi
Almazbek Atambayev 2011-2017 yillarda mamlakatni boshqargan. 2023 yil u davolanish uchun Ispaniyaga ketgandi.
3 iyun kuni Bishkekning Pervomayskiy tuman sudi sobiq prezident Almazbek Atambayev oid bir necha jinoiy ish boʻyicha hukm eʼlon qildi.
Sud majlisini sudya Aziret Mederov olib bordi.
Sud uchta jinoiy ish: Qoʻy-Tosh qishlogʻidagi yer uchastkalarini noqonuniy egallab olish, noqonuniy boyish va 2019 yilning 7-8-avgust kunlari sodir boʻlgan ommaviy tartibsizliklarda ishtirok etish kabilarni bir ish yurituviga birlashtirgan.
Sudya Mederov maslahat xonasidan chiqib, quyidagi qarorga keldi:
Qoʻy-Tosh voqealari boʻyicha:
- Almazbek Atamboyev mulki musodara qilinib, davlat mukofotlaridan mahrum etilgan holda 11 yilu 6 oyga ozodlikdan mahrum etildi;
- Prezident Administratsiyasining sobiq rahbari Farid Niyozov 7 yilu 8 oyga ozodlikdan mahrum etildi;
- Mamlakat parlamentining sobiq deputati Ravshan Jeenbekov 7 yilu 8 oyga ozodlikdan mahrum qilindi;
- Parlamentning sobiq deputati Irina Karamushkina 7 yilu 6 oylik qamoq jazosiga;
- Parlamentning sobiq deputati Asel Koduranova 3 yil sinov muddatiga;
- Sobiq deputat Meerbek Miskenboyev 5 yil sinov muddatiga;
- Davlat xavfsizlik qoʻmitasi sobiq xodimi va Atambayevning sobiq qoʻriqchisi Kanat Sagimbayev 5 yillik sinov muddatiga;
- jurnalist va Atambaev tarafdori Qunduz Joldubayeva 5 yillik sinov muddatiga;
- Atambayev tarafdori Farhod Babiyev 5 yilu 6 oyga ozodlikdan mahrum etildi;
- Kanatbek Osqonaliyev 5 yil sinov muddatiga hukm etildi.
Almazbek Atambayev 2011-2017 yillarda mamlakatni boshqargan. U 2023 yil Yevropaga ketgan va hanuz qaytganicha yoʻq.