Andijonda byudjetdan 3,2 mlrd soʻm pul ajratilmoqda
Mablagʻ ehtiyojmand oilalarni qoʻllab-quvvatlash, maktablar, xodimlarni ragʻbatlantirish va boshqa maqsadlar uchun sarflanadi.
Xalq deputatlari Andijon viloyati kengashi qarori bilan byudjetdan 3,2 mlrd soʻm pul ajratiladi.
Jumladan:
- Andijon shahar mahalliy byudjetiga Mashrab koʻchasining “NAVRUZ MALL” savdo markazi qismida yoʻlning piyodalar yurish yoʻlakchalarini betonlashtirish uchun qurilish materiallari sotib olish xarajatlariga 450,0 (toʻrt yuz ellik) million soʻm;
- Andijon shahar mahalliy byudjetiga Andijon shahar 55-son umumtaʼlim maktabining eskirgan eshik-romlarini almashtirish xarajatlari uchun 750,0 (yetti yuz ellik) million soʻm;
- Andijon shahar mahalliy byudjetiga ehtiyojmand va moddiy koʻmakka muhtoj oila vakillarini qoʻllab-quvvatlash uchun Andijon shahar hokimligi huzuridagi “Infratuzilma va ijtimoiy barqarorlik” jamgʻarmasiga 20,0 (yigirma) million soʻm;
- Jalaquduq tumani mahalliy byudjetiga obodonlashtirish va koʻkalamzorlashtirish ishlari uchun 500,0 (besh yuz) million soʻm;
- Baliqchi tumani mahalliy byudjetiga tumandagi Zulfiqor mahalla fuqarolari yigʻini hududiga yangi ministadion qurish ishlariga 500,0 (besh yuz) million soʻm;
- viloyat oila va xotin-qizlar boshqarmasiga viloyat oila va xotin-qizlar boshqarmasi boshligʻi – viloyat hokimining oʻrinbosarini ragʻbatlantirish uchun 4 200,0 (toʻrt million ikki yuz) ming soʻm;
- viloyat kambagʻallikni qisqartirish va bandlik boshqarmasiga boshqarma rahbarini ragʻbatlantirish uchun 6,0 (olti) million soʻm;
- Byudjetdan tashqari pensiya jamgʻarmasi Andijon viloyati boshqarmasiga boshqarma xodimlarini ragʻbatlantirish uchun 64,0 (oltmish toʻrt) million soʻm;
- viloyat gʻaznachilik xizmati boshqarmasiga boshqarma xodimlarini ragʻbatlantirish uchun 64,0 (oltmish toʻrt) million soʻm;
Umumiy jami 2 358 200,0 (ikki milliard uch yuz ellik sakkiz million ikki yuz) ming soʻm miqdorida mablagʻlar ajratiladi. Hujjat 2025 yil 3 iyun kuni imzolangan.
Pul viloyat byudjetining 2025 yil boshida shakllangan erkin qoldiq mablagʻlari hisobidan ajratiladi.
Iqtisodiyot va moliya boshqarmasi, gʻaznachilik xizmati esa pullarni yoʻnaltirilish va moliyalashtirishni taʼminlaydi.