Ohangaron tumani hokimiga hayfsan berildi
U oʻziga yuklatilgan vazifalarni lozim darajada bajarmagan.
Ohangaron tumani hokimi Doniyor Madirimovga hayfsan jazosi berildi. Bu haqda Toshkent viloyati hokimi Zoyir Mirzayevning farmoyishida maʼlum qilingan.
Farmoyish 2025 yil 3 iyun kuni eʼlon qilindi.
Hokim prezident qarori ijrosini toʻliq bajarilishini nazoratga olmaganligi hamda oʻziga yuklatilgan vazifalarni lozim darajada bajarmaganligi uchun jazolangan.
Aprel oyida Qashqadaryo va Xorazm viloyati hokimi oʻrinbosarlariga ham hayfsan berilgandi.