Ikki qizaloqni qutqargan marhum mukofotlandi
Prezident Abdumannop Samiqovni “Jasorat” medali bilan mukofotlash toʻgʻrisidagi farmonni imzoladi.
Shavkat Mirziyoyev choʻkayotgan qizlarni qutqargan marhumni mukofotladi.
Shu yil 5 may kuni Toshkentdagi Boʻrijar kanalida qizlarni qutqargan fuqaro halok boʻlgandi.
Yakkasaroy tumanida yashovchi ikki nafar qizaloq kanalga tushib ketdi. Fuqaro Abdumannop Samiqov oʻzini suvga tashlab, norasidalar hayotini saqlab qoldi. Lekin, afsuski, baxtsiz hodisa roʻy berdi – bu ezgulik yoʻlida uning oʻzi qahramonlarcha halok boʻldi.
Davlat rahbari marhumning rafiqasi va farzandlariga hamdardlik bildirdi.
Bugun hurmatli Prezident marhum Abdumannop Samiqovni “Jasorat” medali bilan mukofotlash toʻgʻrisidagi farmonni imzoladi.
Shuningdek, qizaloqlarni qutqarishda jonbozlik koʻrsatgan “Boʻrijar” sport majmuasi ishchisi Nurmuhammad Mamasaliyev ham “Jasorat” medali bilan taqdirlandi.