Samarqandda elektromontyor pora bilan ushlandi
U savdo doʻkoniga hisoblangan 113 mln soʻmlik qarzdorligini kamaytirib berishni vaʼda qilgani aytilmoqda.
Elektr energiyasidan yuzaga kelgan qarzdorlikni kamaytirib berishni vaʼda qilgan elektromontyor ushlandi.
Bosh prokuratura huzuridagi Departamentning Samarqand viloyati boshqarmasi, DXX va IIB xodimlari hamkorligida tezkor tadbir oʻtkazilgan.
Unda “Energosavdo” Samarqand shahri boʻlimi elektromontyori A.B. fuqaro O.Sh.ning savdo doʻkonida elektr energiyasidagi qoidabuzarligi uchun tuzilgan dalolatnoma boʻyicha hisoblangan 113 mln soʻmlik qarzdorligini kamaytirib berishi evaziga 20 mln soʻmni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 25, 168-moddasi (firibgarlik) bilan jinoyat ishi qoʻzgʻatilib, tergov harakatlari oʻtkazilmoqda.
Avvalroq Fargʻonada bankirlar ushlangandi.