Uzbekistan Airways bolalar kuniga chegirma eʼlon qildi
Chegirma kattalar hamrohligida sayohat qiladigan 2 yoshdan 12 yoshgacha boʻlgan bolalar uchun amal qiladi.
Uzbekistan Airways yangi chegirma haqida eʼlon qildi.
1 iyun – Xalqaro bolalarni himoya qilish kuni munosabati bilan, Uzbekistan Airways aviakompaniyasi bolalar uchun aviachiptalarga kattalar tarifidan 50 foizgacha oshirilgan chegirma taqdim etdi.
Odatda bolalar uchun chegirma 25 foizni tashkil qiladi, ammo faqat shu kuni u ikki baravar koʻpayadi – barcha yoʻnalishlar va barcha muntazam aviaqatnovlar uchun.
Chegirma kattalar hamrohligida sayohat qilayotgan 2 yoshdan 12 yoshgacha boʻlgan bolalar uchun amal qiladi.
Yoʻlovchi tashish tarifiga qoʻshimcha ravishda turli soliqlar, yigʻimlar va qoʻshimcha toʻlovlar belgilanadi va ularga chegirma qoʻllanilmaydi.