Murodjon Ahmadaliyev meksikalik bokschini texnik nokautga uchratdi
Bektemir Meliqoʻziyev esa amerikalik Daryus Fulgxemni yengib, WBA kamari uchun daʼvogarga aylandi.
Oʻzbekistonlik bokschilar Bektemir Meliqoʻziyev va Murodjon Ahmadaliyevlar navbatdagi janglarini oʻtkazdilar.
Bektemir Meliqoʻziyev Las-Vegasdagi boks oqshomida amerikalik Daryus Fulgxemni 12 raundlik jangda magʻlub etdi va WBA kamari uchun daʼvogarga aylandi.
Bokschimiz 12-raundda raqibini nokdaun holatiga tushirib qoʻydi.
Bu Bektemir raqibining faoliyatidagi ilk magʻlubiyatidir.
Meksikada oʻtkazilgan professional boks kechasida Murodjon Ahmadaliyev mezbonlar vakili Luis Kastilio bilan jang oʻtkazdi.
10 raund etib belgilangan jangning 8-raundida Murodjon Ahmadaliyevga raqibi qarshilik koʻrsata olmadi. Hakam bahsni toʻxtatdi va Luis Kastilio texnik nokautga uchragani toʻgʻrisida qaror chiqardi.
Murodjon Ahmadaliyevning professional boksdagi janglari soni 15 taga yetdi. Ulardagi gʻalabalar soni esa 14 tani tashkil qilmoqda.