Prezident "Markaziy Osiyo – Italiya" sammitida qatnashadi
Sammit 30 may kuni Qozogʻiston poytaxti Ostona shahrida boʻlib oʻtadi.
Oʻzbekiston Respublikasi Prezidenti Shavkat Mirziyoyev Qozogʻiston Respublikasi Prezidenti Qasim-Joʻmart Toʻqayevning taklifiga binoan 30 may kuni Ostona shahrida boʻlib oʻtadigan "Markaziy Osiyo – Italiya" formatidagi oliy darajadagi sammitda ishtirok etadi.
Tadbirda mintaqa mamlakatlari yetakchilari va Italiya Bosh vaziri ishtirok etishi koʻzda tutilgan.
Kun tartibiga muvofiq, koʻp qirrali hamkorlikni, eng avvalo "yashil" iqtisodiyot, investitsiyalar, innovatsiyalar, fan va taʼlim sohalarida yanada rivojlantirish masalalari koʻrib chiqiladi.