Germaniya 39 yoshli ayol oʻnlab kishilarni pichoqladi
Hodisa Gamburg shahri markaziy vokzalida sodir boʻlgan. Uch kishi ogʻir ahvolda.
Germaniyaning Gamburg shahri markaziy vokzalida 39 yoshli ayol bir necha kishini pichoqladi.
Oqibatda 18 kishi jarohatlagan, ulardan 3 nafari ogʻir ahvolda. Bu haqda DW xabar bermoqda.
"23 may kuni soat 18:50 atrofida Gamburg markaziy vokzalida 39 yoshli ayol 13 va 14-relslar oraligʻida platformalardan birida yoʻlovchilarga pichoq bilan hujum qildi. Yigirmaga yaqin kishi jarohat oldi, ulardan 3 nafarining ahvoli ogʻir. Jabrlanganlarning baʼzilariga shifokorlar yordam koʻrsatdilar, hujum sodir boʻlgan vagonlar yaqinida boʻlgan", deb yozadi “DW Main” Telegram kanali.
Voqea tufayli vokzalda poyezdlar harakati butunlay toʻxtatilgan. Politsiya ayolning yolgʻiz oʻzi harakat qilganini taxmin qilmoqda, ammo uning sabablari aniqlanmagan.
Gamburg markaziy stansiyasi Germaniyadagi eng gavjum transport markazlaridan biri. Gamburgdagi stansiyada va jamoat transportida qurol, shu jumladan pichoq olib yurish taqiqlanadi.
Hujumni sodir etgan ayol qoʻlga olingan.
Speigel jurnaliga koʻra, politsiya gumonlanuvchi aqldan ozgan va hech qanday siyosatga ega emas deb taxmin qilmoqda.