Abdulla Mamatqulov Muzrabot tumani hokimi etib tayinlandi
Tayinlovga qadar u "Surxondaryo suv taʼminoti" AJ direktori vazifasida faoliyat yuritgan.
Muzrabot tumaniga yangi hokim tayinlandi.
Xalq deputatlari Muzrabot tumani Kengashining navbatdan tashqari sessiyasi boʻlib oʻtdi.
Sessiya davomida, shu vaqtga qadar Muzrabot tumani hokimi vazifasini bajarib kelgan Alisher Qurbonov lavozimidan ozod etilgani maʼlum qilindi. Viloyat hokimi Ulugʻbek Qosimov ushbu lavozimga Mamatqulov Abdulla Abdimoʻminovich nomzodini taklif etdi. Taklif tuman Kengashi deputatlari tomonidan maʼqullandi.
Abdulla Mamatqulov 1985 yilda Oltinsoy tumanida tugʻilgan. 2011 yilda Toshkent toʻqimachilik va yengil sanoat institutini mexanik-texnolog mutaxassisligi boʻyicha tamomlagan.
Mehnat faoliyati davomida “Surxondaryo suv taʼminoti” MChJ direktorining oʻrinbosari, Bandixon tumani hokimining oʻrinbosari, “Surxondaryosuvqurilishinvest” DUK direktori kabi masʼuliyatli lavozimlarda ishlagan. Tayinlovga qadar “Surxondaryo suv taʼminoti” AJ direktori vazifasida faoliyat yuritgan.