Tashqi iqtisodiy faoliyat tovar nomenklaturasining tasniflash kodlari tasdiqlanmoqda

Prezident tomonidan 14.05.2025 yildagi "Oʻzbekiston Respublikasi Tashqi iqtisodiy faoliyat tovar nomenklaturasini tasdiqlash toʻgʻrisida"gi PQ-181-son Qaror imzolandi.

Hujjat bilan Tashqi iqtisodiy faoliyat tovar nomenklaturasi tasniflash kodlari roʻyxati tasdiqlanmoqda (shu yerda tanishish mumkin).

U kodlarni Jahon bojxona tashkiloti va Jahon savdo tashkilotining qoidalari asosida yuritish maqsadida qabul qilingan.

Shu bilan import bojxona bojlari va TIF TN kodlarini yagona hujjat asosida tizimlashtirishga xizmat qilish kutilmoqda.

Kodlar Tashqi iqtisodiy faoliyat tovar nomenklaturasi tovarlarning tizimlashtirilgan roʻyxati boʻlib, undan tashqi iqtisodiy faoliyatni davlat tomonidan tartibga solish maqsadida foydalaniladi va u tovarning raqamli kodli belgilanishini, uning nomini, oʻlchov birliklarini hamda izohlarni oʻz ichiga oladi,

Shuningdek, Import bojxona stavkalari yangilanmoqda (shu yerda tanishish mumkin).

Hujjat Qonun hujjatlari maʼlumotlari milliy bazasida eʼlon qilingan va 20.05.2025 yildan kuchga kirdi.