Erdoʻgʻon yana prezidentlikka nomzodini qoʻymasligini aytdi, biroq...
Turkiya rahbari mamlakatga yangi Konstitutsiya kerakligini aytmoqda.
Turkiya prezidenti Rajab Toyyib Erdoʻgʻon prezidentlikka yana oʻz nomzodini qoʻyish niyati yoʻqligini, biroq mamlakatga yangi konstitutsiya kerakligini aytdi.
Bu haqda u Vengriyadan qaytgach, jurnalistlar bilan suhbatda maʼlum qilgan.
"Men qayta saylanmoqchi yoki nomzodimni qoʻymoqchi emasman. Biz faqat mamlakatimiz obroʻsini qanday koʻtarishimiz mumkinligi haqida qaygʻuramiz. Turkiya oʻzgarmoqda, dunyo oʻzgarmoqda. Biz yangi davrda yashayapmiz. Shunday tez oʻzgarayotgan dunyoda eski Turkiyada davlat toʻntarishi sharoitida yaratilgan konstitutsiya bilan biror narsaga erishish mumkinmi?
Toʻntarish tashabbuskorlari taklif qilgan konstitutsiya endi bizga fitnachilar tomonidan emas, balki fuqarolar tomonidan taklif qilingan konstitutsiyaga muhtoj”, - deya Erdoʻgʻonning soʻzlarini keltirgan Anadolu agentligi.
Eslatib oʻtamiz, 71 yashar Erdoʻgʻon 2014 yildan beri Turkiyani boshqarib keladi. U 2023 yildagi saylovning ikkinchi turida Kemal Qilichdoroʻgʻlini yengib, uchinchi martaga saylangandi.
Shu yil fevralida esa muxolifatchi Akram Imomoʻgʻli ushlandi. U Erdoʻgʻonga asosiy raqib sifatida koʻrilayotgandi.