Uzbekistan Airways iqtisodiy tariflar tizimini toʻliq yangiladi

Uzbekistan Airways Oʻzbekiston aholisi uchun aviaparvozlar imkoniyatini oshirish maqsadida iqtisodiy klass tariflar tizimini toʻliq yangiladi.

Endilikda 10 ta avvalgi tarif darajasi oʻrniga soddalashtirilgan 4 ta tarif tizimi joriy etildi.

Maksimal tariflar pasaytirildi, bu esa quyidagi afzalliklarni beradi:

• Tarif narxlarini tanlash tushunarliroq va shaffofroq boʻladi;

• Minimal tariflar boʻyicha mavjud joylar soni oshiriladi;

• Koʻproq yoʻlovchilar arzon aviachiptalardan foydalanish imkoniga ega boʻladi.

Har bir tarifda ikki xil variant mavjud:

- qaytarilishi mumkin boʻlgan (bagaj bilan) va qaytarilmaydigan (bagajsiz) chiptalar.

Eng past chipta narxi oʻzgarishsiz qolgan, tariflar oraligʻi esa qulaylik, moslashuvchanlik va narx oʻrtasidagi balansni taʼminlash uchun optimallashtirilgan.

Yangi tarif tarmogʻi quyidagi yoʻnalishlarga nisbatan amal qiladi:

• Toshkent – Samarqand: 249 000 soʻmdan
• Toshkent – Namangan: 249 000 soʻmdan
• Toshkent – Fargʻona: 249 000 soʻmdan
• Toshkent – Qarshi: 278 000 soʻmdan
• Toshkent – Termiz: 424 000 soʻmdan
• Toshkent – Buxoro: 393 000 soʻmdan
• Toshkent – Urganch: 512 000 soʻmdan
• Toshkent – Nukus: 512 000 soʻmdan
• Buxoro – Urganch: 336 000 soʻmdan.