Akbar Joʻrayev mutlaq Osiyo chempioniga aylandi

Ogʻir atletikachi Akbar Joʻrayev mutlaq Osiyo chempioniga aylandi.

Ogʻir atletika boʻyicha Xitoyda oʻtayotgan Osiyo chempionatining soʻngi bahslari Oʻzbekiston terma jamoasi uchun muvaffaqiyatli oʻtmoqda.

Erkaklar oʻrtasida -109 kg vazn toifasida kechgan bahslar sportchilarning benefisiga aylandi.

Olimpiada chempioni va sovrindori Akbar Joʻrayev yana bir bor yuksak mahorat koʻrsatib, barcha yoʻnalishda eng katta koʻrsatkichlarni qayd etdi (183, 223 va 406 kg) va 3 ta oltin medalni qoʻlga kiritdi. Ushbu dasturda Joʻrayevdan keyingi natijani koʻrsatgan boshqa bir vakil Sharofiddin Amriddinov (181, 214 va 295 kg) esa 3 ta kumush medal bilan taqdirlandi.

Ushbu natijadan keyin Oʻzbekiston terma jamoasi hisobidagi medallar 3 ta oltin, 3 ta kumush va 5 ta bronzaga yetib, umumjamoa hisobida uchinchi oʻringa koʻtarildi.