Oʻzbekistonda havo harorati keskin koʻtarilishi kutilmoqda
Janubda va choʻl hududlarda 42-43 darajagacha issiq harorat kuzatiladi.
Joriy yilning 14-16 may kunlari Oʻzbekiston hududi boʻyicha issiq ob-havo boʻlishi kutilmoqda. Bu haqda "Oʻzgidromet" xabar berdi.
14 mayda Qoraqalpogʻiston Respublikasi, Xorazm, Buxoro, Navoiy, Qashqadaryo, Surxondaryo viloyatlarida, 15-16 mayda Oʻzbekiston hududining katta qismida havo harorati kunduz kunlari 39-41 darajagacha, janubda va choʻl hududlarda 42-43 darajagacha koʻtariladi.
14-15 mayda shimolda va choʻl hududlarda, 16-17 mayda respublika boʻyicha baʼzi joylarda shamol tezligi 15-18 m/s gacha kuchayishi, chang-toʻzonlar bilan kuzatilishi kutilmoqda.
17 mayda ayrim joylarda baʼzida shamol 20-22 m/s gacha kuchayishi mumkin.