Putin Ukrainaga toʻgʻridan toʻgʻri muzokaralar oʻtkazishni taklif etdi
Rossiya rahbari Moskva Kiyevning Gʻarbdagi ittifoqchilari taklif qilgan yangi oʻt ochishni toʻxtatish kelishuviga rozi boʻlishga tayyor emasligini ham aytib oʻtdi.
Rossiya prezidenti Vladimir Putin Kiyevga oʻt ochishni toʻxtatish boʻyicha toʻgʻridan-toʻgʻri muzokaralarni “hech qanday shartlarsiz” davom ettirishni taklif qildi.
Bu 15 may kuni Istanbulda sodir boʻlishi mumkin, dedi Rossiya prezidenti Kremlda.
Uning nutqi taxminan 20 daqiqa davom etdi.
“Muzokaralar davomida yangi sulh boʻyicha kelishib olish mumkin”, dedi Putin va hozir “toʻp Ukraina maydonida” ekanini aytdi.
Putin, shuningdek, Moskva Kiyevning Gʻarbdagi ittifoqchilari taklif qilgan yangi oʻt ochishni toʻxtatish kelishuviga rozi boʻlishga tayyor emasligini ham ochiq aytdi.
Avvalroq, 10 may, shanba kuni AQSh, Germaniya, Buyuk Britaniya, Fransiya, Polsha va Ukraina yetakchilari Moskvaga 12 maydan boshlab 30 kunlik oʻt ochishni toʻxtatish rejimini eʼlon qilishni taklif qilishgan edi.
Kiyev Rossiya prezidentining taklifiga hozircha izoh bermadi.
Fransiya pprezidenti Emmanuel Makron Putinning taklifiga izoh berar ekan, "uni yetarli emas" deb atadi va lekin siljish borligini aytdi.