AQShda 8 may Gʻalaba kuni deb eʼlon qilindi
Prezident Tramp ushbu sanani Ikkinchi jahon urushidagi Gʻalaba kuni deb eʼlon qilish toʻgʻrisidagi deklaratsiyani imzoladi.
AQShda 8 may Gʻalaba kuni deb eʼlon qilindi.
AQSh prezidenti Donald Tramp 8 mayni Ikkinchi jahon urushidagi Gʻalaba kuni deb eʼlon qilish toʻgʻrisidagi deklaratsiyani imzoladi.
Tegishli hujjat Oq uy tomonidan eʼlon qilindi.
“Bugun xalqimiz ittifoqchilarning milliy sotsializm va fashizm ustidan qozonilgan gʻalabasining 80 yilligini — insoniyat tarixidagi ozodlikning eng buyuk gʻalabalaridan biri boʻlganini faxr bilan nishonlamoqda”, — deyiladi hujjatda.
Amerika yetakchisi natsizm va fashizmdan ozodlik himoyasida halok boʻlganlar xotirasini hurmat qilishga, barcha tahdidlarga qaramay, uni himoya qilishda davom etishga chaqirdi.
Eslatib oʻtamiz, AQSh urushda 400 mingdan oshiq askar yoʻqotgan.