"Tenge bank" jarimaga tortildi
Bank taklif etgan mikroqarz reklamasida muhim shartlar (yillik foiz, kredit muddati va miqdori) koʻrsatilmagan.
Raqobat qoʻmitasi tomonidan oʻtkazilgan monitoringlar natijasida reklama qonunchiligi buzilish holatlari aniqlandi.
Oʻtkazilgan monitoringlarda ommaviy axborotlarda “TENGE BANK” ATB tomonidan “TENGE 24” orqali “Osongina” onlayn mikroqarz 50 mln soʻmgacha beramiz” mazmunidagi joylashtirilgan reklamalar aniqlangan.
Mazkur reklama axborotlarida “Reklama toʻgʻrisida”gi Qonunining 43-moddasi talablariga asosan moliyaviy xizmatlarni koʻrsatishda shartnomaning muhim shartlari (mikroqarz yillik foizi, mikroqarz muddati, mikroqarz miqdori) koʻrsatilmaganligi maʼlum boʻldi.
Yuqoridagi holatlar yuzasidan Qoʻmita Maxsus komissiyasi tomonidan “TENGE BANK” ATBga nisbatan “Reklama toʻgʻrisida”gi Qonunining tegishli moddalari talablari buzilishi yuzasidan ish qoʻzgʻatildi.
Ishni koʻrib chiqish yakunlari boʻyicha moliyaviy jarima qoʻllanildi.
Shuningdek, qonunbuzilish holatini bartaraf etish va kelgusida yoʻl qoʻymaslik yuzasidan koʻrsatma berildi.