Adham Xudoyqulov Taʼlim sifatini taʼminlash agentligi direktori lavozimiga tayinlanishi kutilmoqda
Ushbu agentlikka Komil Allamjonov rahbarlik qilishi haqidagi xabarlar esa tasdiqlanmadi.
Adham Xudoyqulov Prezident administratsiyasi huzuridagi Taʼlim sifatini taʼminlash milliy agentligi direktori lavozimiga tayinlashi kutilmoqda.
U ayni paytda Taʼlim sohasidagi loyihalar markazi loyiha ofisi rahbari sifatida ishlaydi.
Adham Xudoyqulov 30 aprel kuni nodavlat taʼlim xizmatlari tizimini takomillashtirish, oliy va kasbiy taʼlimda sifatni oshirish chora-tadbirlari boʻyicha davlat rahbariga taqdimot qilgan.
Tarmoqda yangi tuzilgan agentlikka Komil Allamjonov rahbarlik qilishi haqidagi xabarlar esa tasdiqlanmadi.
Eslatib oʻtamiz, prezident farmoniga koʻra, Taʼlim sifatini taʼminlash milliy agentligi tashkil etiladi. Agentlik oʻrta maxsus, kasbiy, oliy va oliy taʼlimdan keyingi taʼlim, shuningdek, kadrlarni qayta tayyorlash va ularning malakasini oshirish tashkilotlarini (taʼlim tashkilotlari) kompleks va maxsus davlat akkreditatsiyasidan oʻtkazadi.