Tramp uchinchi muddatga nomzodini qoʻymaydi
AQSh Konstitutsiyasiga koʻra, ikkinchi muddatini oʻtayotgan prezident uchinchi muddatga saylanish huquqiga ega emas.
AQSh prezidenti Donald Tramp uchinchi muddatga saylanmasligini aytdi.
AQSh prezidenti Donald Tramp uchinchi muddatga oʻz nomzodini qoʻyish haqida oʻylayotgani haqidagi xabarlarni rad etdi.
"Men "sakkiz yillik", "ikki muddatli" prezident boʻlaman. "Men buni har doim juda muhim deb oʻylaganman", dedi Tramp yakshanba kuni efirga uzatilgan NBC telekanali Kristen Uelkerga bergan intervyusida.
78 yoshli Tramp avvalroq AQSh prezidenti sifatida uchinchi yoki hatto toʻrtinchi muddatga saylanish haqida aytgan edi.
Ammo keyinroq u oʻz bayonotlaridan maqsad “soxta axborot vositalari”ni trolling qilish ekanini aytdi.
Floridadagi qarorgohida yozib olingan intervyuda Tramp odamlardan unga ikkinchi muddatdan keyin ham prezident sifatida qolishni soʻrab koʻplab “soʻrovlar” olganini aytdi.
"Koʻpchilik buni qilishimni xohlaydi. Lekin men buni qilmoqchi emasman", dedi Tramp uning oʻrnini egallashi mumkin boʻlgan bir qancha respublikachilar, jumladan, vitse-prezident J.D.Vens va Davlat kotibi Marko Rubioni sanab oʻtdi.
"JD ajoyib nomzod. Marko ham joyib ishlayapti", dedi Tramp.
AQSh Konstitutsiyasiga koʻra, Oq uyda ikkinchi muddatini oʻtayotgan Tramp uchinchi muddatga saylanish huquqiga ega emas.
