Prezident "Damas" zavodi boʻyicha katta yangilikni ochiqladi
Zavodda 100 million dollar hisobiga bozorda katta talabga ega arzon avtomobil ishlab chiqarish boshlanadi.
Prezident Xorazmdagi yigʻilishda viloyatda arzon avtomobil ishlab chiqarilishini aytdi.
Slovakiya kompaniyasi Tuproqqalʼaga 10 million dollar kiritib, 500 gektar qumli yerni oʻzlashtirishni boshladi.
Ushbu investor 170 million dollar hisobiga yana 4,5 ming gektar qumli yerni foydalanishga kiritib, raps oʻsimligini ekish va undan bioetanol ishlab chiqarishni reja qilgan.
Masʼullarga bu loyiha uchun zarur koʻmakni koʻrsatish topshirildi.
Prezident Tuproqqalʼadagi “Damas” zavodi boʻyicha katta yangilikni aytdi.
Bu zavodda 100 million dollar hisobiga bozorda katta talabga ega arzon avtomobil ishlab chiqarish boshlanadi.
Avtomobil Yevro-5 ekologik standartiga javob beradi, 7 oʻrindiqqa ega boʻladi.
Mutasaddilarga joriy yilda hamkorlar bilan muzokarani yakunlab, keyingi yilda yirik uzelli yigʻish usulida ishlab chiqarishni boshlash, 2027 yilda toʻliq siklga oʻtib, mahalliylashtirishni 50 foizga olib chiqish topshirildi.