Rossiyada migrantlarning huquqlari boʻyicha muhim yigʻilish boʻlib oʻtadi
Unda Bosh prokuratura, DXX, Migratsiya agentligi va boshqa tashkilotlar vakillari qatnashadi.
Oʻzbekiston Respublikasi vazirlik va idoralari delegatsiyasi Bosh prokuror oʻrinbosari rahbarligida Rossiyaga yoʻl oldi.
Ular mehnat migratsiyasi va migrantlar huquqlarini himoya qilish masalalari boʻyicha idoralararo ishchi guruhning birinchi yigʻilishida ishtirok etadi.
Ishchi delegatsiya tarkibiga Bosh prokuratura, Davlat xavfsizlik xizmati, Migratsiya agentligi, Tashqi ishlar, Ichki ishlar va Sogʻliqni saqlash vazirliklari vakillari kiritilgan.
Eslatib oʻtamiz, soʻnggi vaqtlarda Rossiyada migrantlarga tazyiq kuchaygani qayd etilmoqda.
Shuningdek, muhojirlar farzandlarining maktabga qabul qilinishi ham qiyinlashtirildi.