Mirobod tumanida omborxonalardan biri yonib ketdi
Yongʻin natijasida omborxonaning taxminan 500 kv.m maydonda ichki va tom qismi yonib zararlangan.
Mirobod tumanidagi omborxonalardan biri yonib ketdi.
28 aprel kuni soat 07:00 da Toshkent shahar, Mirobod tumani, “Abdurauf Fitrat” MFY, G.Aliyev koʻchasida joylashgan qurilish mahsulotlari saqlanayotgan omborxonalarning birida yongʻin sodir boʻlganligi toʻgʻrisida FVBga xabar qilingan.
Shunga koʻra yongʻin-qutqaruv ekipajlari hodisa joyiga yetib borib, yongʻin oʻchirilgan.
Yongʻin natijasida omborxonaning taxminan 500 kv.m maydonda ichki va tom qismi yonib zararlangan.
Yongʻinni bartaraf etishga 12 ta yongʻin-qutqaruv ekipaji jalb etilgan.
Hozirda yongʻin sababi va moddiy zarar miqdori aniqlanmoqda.
Yongʻin oqibatida tan-jarohati olganlar yoʻq.
Voqea joyiga Toshkent shahar va tuman FVB rahbar xodimlari chiqqan.