Oʻzbekiston U17 – Osiyo chempioni!
Hamyurtlarimiz 9 kishi boʻlib qolganiga qaramay, Saudiya Arabistoniga imkoniyat bermadi.
17 yoshlilar oʻrtasidagi Osiyo kubogi finalida Oʻzbekiston va Saudiya Arabistoni termalari toʻqnash keldi.
Birinchi taym Oʻzbekiston uchun ogʻir kechdi. Jumladan, 40-daqiqada Nurbek Sarsenbayev, 45-daqiqada Miraziz Abdukarimov maydondan chetlatildi.
Ikkinchi boʻlimda Muhammad Hakimov penaltidan gol urdi.
70-daqiqada Sadriddin Hasanov hisobni 2:0ga yetkazdi. Ushbu hisob oʻyin oxirigacha saqlanib qoldi.
Shu tariqa Oʻzbekiston Osiyo kubogida gʻoliblikni qoʻlga kiritdi.