Bojsiz olib kiriladigan tovarlar toʻlovi pasaytiriladi
Bojsiz tovar olib kirish limitidan foydalanish uchun fuqaro piyoda yoki avtomobilda kirib kelayotgan paytda kamida 2 kun, samolyotda kelayotganida esa kamida 3 kun Oʻzbekistondan tashqarida boʻlishi kerak.
2025 yil 1 maydan boshlab jismoniy shaxslar tomonidan shaxsiy ehtiyojlari uchun notijorat maqsadlarida respublikaga olib kiriladigan tovarlarni bojsiz olib kirishning yangi normalari belgilandi.
Hukumat 19 aprelda imzolagan qarorga koʻra:
- havo transportida 1000 dollar (amalda 2000 dollar);
- temir yoʻl va daryo transportida 500 dollar (amalda 1000 dollar);
- avtomobil (piyoda) oʻtkazish punktlari orqali 300 dollar;
- xalqaro kurerlik joʻnatmalari orqali 200 dollar (amalda bir chorakda 1000 dollar);
- xalqaro pochta joʻnatmalari orqali 100 dollar (oʻzgarmagan).
Bundan tashqari, bojsiz tovar olib kirish limitidan foydalanish uchun fuqaro piyoda yoki avtomobilda kirib kelayotgan paytda kamida 2 kun, samolyotda kelayotganida esa kamida 3 kun Oʻzbekiston hududidan tashqarida boʻlishi kerak.