Isroil Gʻazo, Suriya va Livandan chiqib ketmasligini eʼlon qildi

Isroil mudofaa vaziri mamlakat harbiylari Gʻazo, Livan va Suriyadan chiqib ketmasligini maʼlum qildi.

16 aprel kuni bergan bayonotida Isroil mudofaa vaziri harbiy askarlar Gʻazo sektori, Livan va Suriyada nomaʼlum muddatga qolishini aytdi. Buning natijasida HAMAS bilan oʻzaro oʻt ochmaslik va garovdagilarni ozod qilish bilan bogʻliq masalalar yanada murakkablashishi mumkin.

Harbiy yurishlar natijasida Isroil harbiy kuchlari Gʻazodagi hududlarning yarmini qaytadan egallab oldi va HAMASGA garovdagilarni ozod qilish boʻyicha bosim oʻtkazganidan soʻng oʻtgan oy otishmalarni toʻxtatdi. Shuningdek, Isroil Livan hududidan "Hizbulloh" harbiy guruhi bilan boʻlgan otishmalar sababli chiqib ketishni rad etdi hamda Suriyaning janubiy qismidagi ayrim hududlarni egallab oldi. Eslatib oʻtamiz, ushbu hududlarda sobiq prezident Bashar Asadga qarshi isyon koʻtarilgandi.

Hozirda Isroil armiyasi egallangan hududlarni tark etmayapti. Bu holat vaqtinchalik yoki doimiy davom etishi mumkin. Gʻazoda boʻlgani kabi, Livan va Suriyada ham qoʻshinlar qolmoqda.

Falastinliklar va qoʻshni davlatlar bu holatni xalqaro huquq normalarining buzilishi sifatida baholamoqda.

HAMAS, agar Isroil Gʻazodan toʻliq chiqib ketmasa va oʻt ochishni toʻxtatmasa, garovdagilarni ozod qilmasligini bildirgan.

Ular avval garovdagilarni ozod qilishga tayyor ekanini maʼlum qilgan edi, biroq amalda Isroil avvalo hududlarni egallamoqda — deya xabar bermoqda garovdagilarga vakillik qilayotgan tashkilot.

Hamma garovdagilarni bir yoʻla ozod qilish orqali ushbu muammoning yechimi topilishi mumkin, garchi bu urushning tugashiga olib kelishi ehtimoli boʻlsa ham.

Isroilning taʼkidlashicha, ular egallangan hududlarda qolishi kerak, chunki HAMAS 2023 yil 7 oktabrda boʻlgani kabi yana hujum qilishi mumkin. Oʻsha hujumda 1 200 dan ortiq odam halok boʻlgan, ularning koʻpchiligi oddiy fuqarolar boʻlgan.

Gʻazo sogʻliqni saqlash vazirligining xabariga koʻra, Isroil harbiy kuchlari shu paytgacha 51 000 dan ortiq odamni oʻldirgan. Ularning yarmidan koʻpi ayollar va yosh bolalar. Isroilning maʼlumotlariga koʻra, ular 20 000 nafar harbiyni yoʻq qilgan, biroq bu boʻyicha aniq dalil keltirilmagan.

Isroil bosh vaziri Benyamin Netanyaxu HAMAS qoʻshinlarini yoʻq qilish va 59 nafar garovdagini qaytarib olishga vaʼda berdi.

Shuningdek, u Donald Trampning gʻazoliklarni boshqa davlatlarga koʻchirish boʻyicha taklifini amalga oshirishini taʼkidlab oʻtdi.

Falastinliklar va boshqa arab davlatlari Trampning bu taklifini rad etdi va uni inson huquqlari hamda xalqaro huquqqa zid deb baholadi.