Samarqandda jamoat transporti narxlari oshirildi
Shahar boʻylab avtobus, elektrobus va tramvaylarda toʻlov bir yoʻlovchi uchun 3 ming soʻm etib belgilandi.
Samarqand shahrida jamoat transportidan foydalanish narxi oshirildi. Bu haqda viloyat hokimi Adiz Boboyev 2025 yil 15 aprel kuni tegishli qarorni imzoladi.
Unga koʻra, shahar boʻylab avtobus, elektrobus va tramvaylarda naqd pul orqali toʻlov bir yoʻlovchi uchun 3 ming soʻm etib belgilandi. Bank kartalari orqali mazkur miqdor 2 ming soʻmni tashkil etadi.
Shuningdek, jamoat transportidan kunlik, oylik va haftalik cheksiz foydalanish narxlari belgilandi.
Oddiy yoʻlovchilar uchun bir kunlik narx 7-8 ming soʻmni, oylikda 200-277 ming soʻmni tashkil etadi. Yillik miqdor esa 1 mln 927 ming (umumiy 2 mln 715 ming soʻm).
Imtiyozli kartalardan foydalanuvchilar (nogironlar, pensionerlar, talabalar) ga 50 foiz chegirma qoʻllaniladi.
Qaror eʼlon qilingan kundan kuchga kirishi belgilangan.
Eslatib oʻtamiz, mart oyi oxirida Namanganda ham jamoat transporti qimmatlagandi.