Abdulaziz Komilov Italiyaning nufuzli ordeni bilan mukofotlandi
U "Italiya Respublikasi oldidagi xizmatlari uchun" ordenining "Ofitser" darajasi bilan taqdirlandi.
Abdulaziz Komilov Italiyaning nufuzli ordeni bilan taqdirlandi. Bu haqda "Dunyo" agentligi xabar berdi.
Prezidentning tashqi siyosat boʻyicha maxsus vakili, Xavfsizlik kengashi kotibi oʻrinbosari Abdulaziz Komilov "Italiya Respublikasi oldidagi xizmatlari uchun" ordenining "Ofitser" darajasi bilan taqdirlandi.
Mazkur orden Italiyadagi eng yuqori davlat mukofoti boʻlib, 1951 yil 3 mart kuni taʼsis etilgan.
U adabiyot, sanʼat, iqtisodiyot, xayriya va gumanitar faoliyat sohalaridagi katta xizmatlar uchun beriladi.