Professor Mufat Mamatov vafot etdi
U “El-yurt hurmati” ordeni sohibi, “Oʻzbekiston Respublikasida xizmat koʻrsatgan xalq taʼlimi xodimi" unvonlari bilan taqdirlangan.
Namangan viloyati jamoatchiligi judolikka uchradi.
Oʻzbekiston taʼlimi, ilm-fani va maʼnaviyati rivojiga hissa qoʻshgan, “El-yurt hurmati” ordeni sohibi, “Oʻzbekiston Respublikasida xizmat koʻrsatgan xalq taʼlimi xodimi”, professor Mufat Mamatov 92 yoshida olamdan oʻtdi.
Bu haqda Namangan viloyati hokimligi xabar berdi.
Mufat Mamatov 1932 yili Namangan viloyati Chust tumanida tugʻilgan. Fargʻona davlat pedagogika institutini tamomlagan.
U butun umrini taʼlim, tarbiya, ilm-fan va maʼnaviyat sohasiga bagʻishlab, Toshkent va Namangandagi yirik taʼlim muassasalarida rahbarlik lavozimlarida samarali faoliyat olib borgan.