Sanʼat arbobi Mansur Ravshanov vafot etdi
U "Alpomish", "Boy ila xizmatchi", "Maysaraning ishi", "Alisher Navoiy", "Parvona", "Kelinlar qoʻzgʻoloni" kabi spektakllarni sahnalashtirgan.
Oʻzbekiston madaniyati va sanʼati judolikka uchradi. Teatr sanʼati dargʻasi, Oʻzbekistonda xizmat koʻrsatgan sanʼat arbobi Mansur Ravshanov 88 yoshida olamdan oʻtdi. Bu haqda Madaniyat vazirligi xabar berdi.
Mansur Ravshanov 1937 yilda Qarshi shahrida tugʻilgan. Toshkent teatr va rassomlik sanʼati institutini tamomlagan.
Surxondaryo viloyati musiqali drama teatrida avval aktyor, keyinchalik rejissyor, bosh rejissyor boʻlib ishlagan.
Surxondaryo viloyat qoʻgʻirchoq teatrining vujudga kelishiga katta hissa qoʻshgan.
Mansur Ravshanov "Alpomish", "Boy ila xizmatchi", "Maysaraning ishi", "Jononga bordim bir kecha", "Alisher Navoiy", "Parvona", "Kelinlar qoʻzgʻoloni", "Alpomishning qaytishi" kabi yuzlab spektakllarni sahnalashtirgan.