Toshkentda yoʻllar uchun 8 mlrd soʻmdan oshiq pul ajratildi
Mablagʻ Mirzo Ulugʻbek va Bektemir tumanlariga yoʻnaltiriladi.
Toshkent shahar hokimi Shavkat Umrzoqovning qarori bilan ikki tumanga 8 mlrd soʻmdan oshiq pul ajratildi.
Pullar mahalliy yoʻllarni yaxshilash uchun ishlatiladi.
"Toshkent shahar hokimligi huzuridagi Toshkent shahrini rivojlantirish jamgʻarmasi mablagʻlari hisobidan yoʻllarni taʼmirlash ishlari bilan bogʻliq xarajatlarni amalga oshirish uchun Mirzo Ulugʻbek tumani Obodonlashtirish boshqarmasiga 4 233,7 mln soʻm hamda Bektemir tumani Obodonlashtirish boshqarmasiga 3 800,0 mln soʻm mablagʻlarni ajratish toʻgʻrisidagi taklif maʼqullansin", deyiladi qarorda.
Qaror 2025 yil 7 aprelda qabul qilingan.
Qaror ijrosini taʼminlash hokimning birinchi oʻrinbosari B. Haydarov zimmasiga yuklangan.
Avval poytaxtda yoʻllar uchun 12 mlrd soʻm ajratilgandi.