Zaynilobiddin Nizomiddinov Bekobod tumani hokimi etib tayinlandi
Avvalgi hokim Shuhrat Doʻstbekov yoʻl qoʻygan xato-kamchiliklari uchun lavozimidan ozod etildi.
Zaynilobiddin Nizomiddinov Bekobod tumani hokimi etib tayinlandi.
Xalq deputatlari Bekobod tumani Kengashining navbatdan tashqari sessiyasi boʻlib oʻtdi.
Sessiya kun tartibiga tashkiliy masala kiritildi. Sessiya ishida Toshkent viloyati hokimi Zoyir Mirzayev ishtirok etdi va kun tartibidagi masala yuzasidan nutq soʻzladi.
Viloyat hokimi oʻz soʻzida tumanni iqtisodiy-ijtimoiy rivojlantirishga doir va kechiktirib boʻlmaydigan dolzarb masalalarga toʻxtaldi. Jumladan, xizmatlar, investitsiya, byudjet tushumlarini taʼminlash borasida hudud bugun viloyatda eng oxirgi oʻrinlarda ekanligi qayd etildi, deyiladi xabarda.
Tuman hokimi lavozimida ishlab kelayotgan Doʻstbekov Shuhrat Begimqulovich yoʻl qoʻygan xato-kamchiliklari uchun lavozimidan ozod etildi.
Zoyir Mirzayev Bekobod tumani hokimi lavozimiga Nizomiddinov Zaynilobiddin Shahobiddinovich nomzodini tavsiya qildi.
Xalq deputatlari Bekobod tumani Kengashida Zaynilobiddin Nizomiddinov tuman hokimi etib tasdiqlandi.
Nizomiddinov 2018—2022 yillarda Oʻzbekiston Respublikasi Prezidenti administratsiyasi rahbari lavozimlarida ishlagan. 2022 yildan buyon Oʻzbekiston kasaba uyushmalari federatsiyasi raisining birinchi oʻrinbosari boʻlib ishlayotgandi.