Oʻzbekiston oʻsmirlar termasi jahon chempionatiga chiqdi
Jamoa Xitoyga qarshi maydonga tushib, 2:1 hisobida gʻalaba qozondi.
Oʻzbekiston oʻsmirlar terma jamoasi jahon chempionatiga chiqdi.
Saudiya Arabistonida oʻtayotgan oʻsmirlar oʻrtasidagi Osiyo Kubogida 2-tur bahslari yakuniga yetdi.
1-turda Tailandni yirik hisobda yenggan Oʻzbekiston bu safar Xitoyga qarshi maydonga tushib, 2:1 hisobida gʻalaba qozondi.
Guruhdagi ikkinchi oʻyinda esa mezbon Saudiya Arabistoni Tailandni 3:1 hisobida magʻlub etdi.
Bu natijadan soʻng Oʻzbekiston oʻsmirlar milliy jamoasi saudiyaliklar bilan birgalikda Osiyoda birinchilardan boʻlib JCh yoʻllanmasiga ega chiqdi. Shuningdek, Islom Ismoilov shogirdlari Osiyo kubogining chorakfinaliga chiqish masalasini ham hal etdi.
U-17 jahon chempionati 3-27 noyabr kunlari Qatarda boʻlib oʻtadi.