Jurnalist Jasur Hamroyev vafot etdi
U internet jurnalistikasida bir qator loyihalar muallifi edi.
Jurnalist va bloger Jasur Hamroyev vafot etdi.
U 1983 yilda Buxoroda tugʻilgan. Internet jurnalistikasi sohasida Shov-shuv.uz loyihasi asoschisi va bosh muharriri boʻlgan.
Jasur Hamroyev maʼlum muddat Oʻzbekiston “Adolat”sotsial-demokratik partiyasi Yakkasaroy kengashi raisi sifatida faoliyat olib borgan.
Shuningdek, Oʻzbekiston Respublikasi Prezidenti huzuridagi Davlat va Jamiyat qurilishi Akademiyasi “Boshqaruv mahorati” kursini muvaffaqiyatli tamomlagan.
Jurnalist qand kasali tufayli vafot etgani aytilmoqda.