“Tashabbusli byudjet”da yana 33 ta loyiha gʻolib deb topildi
Ushbu loyihalar uchun qoʻshimcha 7,5 mlrd soʻm ajratilgan.
“Tashabbusli byudjet”da 33 ta loyiha qoʻshimcha gʻolib deb topildi. Bu haqda Iqtisodiyot va moliya vazirligi xabar berdi.
“Tashabbusli byudjet”ning joriy yilgi 1-mavsumi yakunlariga koʻra, gʻolib boʻla olmagan 33 ta loyiha uchun qoʻshimcha mablagʻ ajratildi.
Xalq deputatlari tuman (shahar) Kengashlari tomonidan gʻolib boʻlmagan navbatdagi loyihalarni moliyalashtirish uchun mahalliy byudjetning qoʻshimcha mablagʻlari hisobidan 7,5 mlrd soʻm ajratilib, 33 ta loyiha qoʻshimcha ravishda gʻolib deb topildi.
Maʼlumot uchun: amaldagi tartibga koʻra, xalq deputatlari tuman (shahar) kengashlariga mahalliy budjetning qoʻshimcha mablagʻlari hisobidan qoʻshimcha tarzda gʻolib loyihalarni eʼlon qilish vakolati berilgan.
Gʻolib loyihalar roʻyxati bilan mazkur havola orqali tanishish mumkin.